0922《扭蛋劇場 – 我在清晨8:00爭取真普選》
N: 喂我有得真普選喎~
C: 你有呀？點解有嘅？
N: 我前日8點起身係咁禁~終於比我禁到個真普選啦~
C: 咁正?! 喂拎嚟睇下！
N: 嚟吖~比你過下手癮啦~
C: 喂幾好手感喎~
N: 梗係啦！真普選嚟架喎~
C: 哩個就係真普選……
N: 係呀~未見過呢~
C: 解像度幾高喎~
N: 係呀~換咗個顯示屏吖嘛~你試下個鏡頭吖
C: 好呀~哇ZOOM得幾遠喎~
N: 仲好清添架~
C: 好清~清到睇到未來呀！
C: 啲嘢好似run得快咗喎~
N: 快咗架~CPU入面換番啲真係做嘢嘅零件吖嘛~
C: 唔止喎~輕咗添喎~
N: 換啲真係做嘢嘅零件咪可以炒緊啲唔做嘢嘅零件囉~
C: 咁難爭你都爭到嘅~
N: 爭好耐架~仆心仆命先爭到架~
C: 借嚟用一個禮拜吖~
N: 唔得~我要寫篇用家報告呀~
C: 你遲啲先寫囉~
N: 而家寫先多觀眾睇嘅~
C: 點解而家寫用家報告先多人睇呀？
N: 潮流吖嘛~真普選而家HIT到咁~最潮呀~社會要前進，我地年青人，梗係走最前架啦~禁到真普選我梗係第一時間拎出嚟周圍講啦~
C: 你咁樣，好似唔係幾好喎~真普選唔係比你拎出嚟周圍講架喎~係一種精神嚟架喎~
N: 係~係一種精神~不過如果哩種精神，係有得比你謀利嘅話，咁咪仲好~何樂而不為啫~反正哩啲LIKE~你唔呃~都係比其他人呃架啦~與其落其他人袋~不如我自己袋啦~
N: 襯真普選仲有市場價值嘅時候，梗係做到佢盡啦~我寫完用家報告之後~襯佢個價好，我下個禮拜拎去放添呀~
C: 真普選都有得放？
N: 梗係有啦~仲一定好價！一定有得炒添呀！
C: 有得炒？
N: 有得炒！大陸仲未有吖嘛~必搶！
謹將今日嘅劇，送比一班，不謀其事大仁大義祟尚社會潮流主義嘅正義使者。BYE~
Search